Vère les Arts

Accueil > Lesarthèque > 2016 > "Du vécu à la fiction"

du 11 au 16 juillet et du 12 au 17 septembre
Frédérique Martin

"Du vécu à la fiction"

Poèma

A l’an novèl

E vaquí que d’ombras estranhas montan dels cementèris deslembrats !
N’i a pro de mots pas diches e d’autres estofats,
N’i a pro d’intolerància, de fèstas tròp brusentas,
Pro de discorses enganaires
E de paurs.

Avèm abenat los patiments de la crenhença, los del deslembrièr,
E del renonciament,
Del sacrifici inutil de las marcas nòstras, de la pèrdia de las valors de generositat,
Quitament de la lenga nòstra,
Destins perduts al cors dels sègles, ont manejar lo glasi auriá servit a pas res.

Nos vaquí ara sens cap de paur per nòstras vidas, per los bens derisòris,
Traversant en plen jorn los lums artificials tròp cruses que s’aganisson de per eles,
Los darrièrs arguments tròp vuèjes,
Per reprene lo cors luminós de nòstre destin interromput,
Amb coma sola armadura la poténcia dels mòts,
Los mòts de vertat, de tolerància, de bravariá,
Eretats d’aqueles sègles de glòria naissenta,
Mòts frachats mas pas anientats,
Descubrits jos la mofa de las pèiras e dins l’arma occitana,
Sordressent aicí e alà coma folets e luses de fèstas,

Inamorçables.

Escritch lo primièr de genièr 2016

A l’an nouveau 2016

Et voici que des ombres étranges s’élèvent des cimetières oubliés !
Assez de non-dits et de mots étouffés,
Assez d’intolérance, de fêtes trop bruyantes,
Assez de discours trompeurs,
Et de peurs.

Nous avons épuisé les souffrances de la crainte et celles de l’oubli,
Du renoncement à nous-mêmes,
Du sacrifice inutile de nos repères,
De la perte de nos valeurs généreuses,
De notre langue même,
Destins perdus au cours des siècles où manier le glaive n’aurait servi à rien.

Nous voici maintenant sans crainte pour nos vies, pour nos biens dérisoires,
Traversant en plein jour les lumières artificielles trop crues, s’épuisant d’elles-mêmes,
Les derniers arguments trop creux,
Pour reprendre le cours lumineux de notre destin interrompu,
Avec pour seule armure la puissance des mots,
Les mots de vérité, de tolérance, de bravoure,
Hérités de ces quelques siècles de gloire naissante,
Brisés mais pas anéantis,
Découverts sous la mousse des pierres et dans l’âme occitane,
Feux follets ça et là jaillissant et lumières de fête,

Inextinguibles.


Association Vère Les Arts - Espace 2jol - Place de l'Hopital
81140 CASTELNAU DE MONTMIRAL